.webp)
त्रिगुणात्मक त्रिमूर्ती दत्ता हा जाणा |
त्रिगुणी अवतार त्रैलोक्यराणा |
नेती नेती शब्द नये अनुमाना |
सुरवर मुनिजन योगी समाधी न ये ध्याना ||१||
जय देव जय देव जय श्रीगुरुदत्ता |
आरती ओवाळीतां हरिली भवचिंता ||धृ||
सबाह्य अभ्यंतरी तूं एक दत्त |
अभ्याग्याशी कैंची कळेल हि मात |
पराही परतली तेथें कैचा हेत |
जन्ममरणाचा पुरलासे अंत ||२||
जय देव जय देव जय श्रीगुरुदत्ता |
दत्त येउनिया उभा ठाकला |
सद्भावें साष्टांगे प्रणिपात केला |
प्रसन्ना होऊनी आशीर्वाद दिधला |
जन्ममरणाचा फेरा चुकविला ||३||
जय देव जय देव जय श्रीगुरुदत्ता
दत्त दत्त ऐसें लागले ध्यान |
हरपलें मन झालें उन्मन |
मीतुं पणाची झाली बोळवण |
एका जनार्दनी श्रीदत्तध्यान ||४||
जय देव जय देव जय श्रीगुरुदत्ता
दत्ताची आरती
जयदेव जयदेव जय, श्रीमान अवधूता |
आरती ओवाळी तुजला, बाळ उमासुता ||
माहूरगड असे तुझे, पावन जन्मस्थान |
दर्शनास येती भक्त, गात तुझे गुणगान |
घेऊन दर्शन तुझे, मिटवती ते तहान |
कृपा करसी त्यावर, आहेस फार महान ||
गाणगापूर असे तुझे, एक वसती स्थान|
येती भक्त तुझे, करती भावे तीर्थ स्नान|
स्नान करुनी भक्त, घेतात तुझे दर्शन|
भिक्षा मागुनी गावात , करती ते भोजन||
भूतबाधा, चिंता, खूप घेऊन येती भक्तगण|
पीडा आपुल्या मिटवती, येती तुला शरण|
भक्ताच्या हृदयात असे , सदा तुझा वास|
नृसिंहवाडीस येती, त्याना लाभे सहवास||
अनुष्ठान करे वाडीस, घेती तुझे जपनाम|
समाधान पावती जेंव्हा, होई पूर्ण ते काम|
पावन स्थानापैकी एक, असते हो औदुंबर|
चुकवत नसे दर्शन, तुझे ते भक्त दिगंबर||
हजार पायऱ्या चढून, येती भक्त गिरनारास |
विसरती कष्ट देहाचे, घेताच तव दर्शनास |
कृपा तुझी आम्हावर, राहो देवा दत्तात्रया |
विसरणार नाही तुला, या तिन्ही कालत्रया ||
दत्ताची आरती
श्रीगुरुदत्त राजमुर्ती, ओवाळीतो प्रेमे आरती ।। धृ ।।
ब्रह्मा विष्णू शंकराचा । असे अवतार श्री गुरूचा ।।
कराया उद्धार जगताचा । जाहला बाळ अत्री ऋषीचा ।।
धरीला वेश असे यतीचा । मस्तकी मुकुट शोभे जटीचा ।।
कंठी रुद्राक्ष माळ धरुनी हातामध्ये आयुध बहुत वरुनी तेणे भक्तांचे क्लेश हरूनि
त्यासी करुनी नमन, अधशमन, होईल रिपुदमन, गमन असे त्रैलोक्यावरती ।। १ ।।
गांणगापुरी वस्ती ज्याची, प्रीती औदुंबर छायेची ।
भीमा अमरजा संगमाची, भक्ती असे बहुत सुशिष्यांची ।
वाट दावूनिया योगाची । ठेव देतसे निजभक्तीची ।।
काशी क्षेत्री स्नान करितो, करवीर भिक्षेला जातो, माहूर निद्रेला वरितो ।।
तरतरतरित छाती धर धरित नेत्र गरगरित शोभतो त्रिशूल जया हाती ।। ओवाळीतो ।। ।। २ ।।
अवधूत स्वामी सुखानंदा । ओवाळीतो सौख्य कंदा
तारी हा दास न रजकंदा सोडवी विषय मोहछंदा
आलो शरण अत्रीनंदा दावी सदगुरू ब्रम्हानंदा ।।
चुकवी चौर्यान्शीचा फेरा । घालिती षडरिपू मज घेरा, गांजिती पुत्रपौत्रदारा
वदवी भजन मुखी तव पूजन करीत हे सुजन जयाचे बलवन्तावरती ओवाळीतो…
DATTAPRABODHINEE MP3 COLLECTION
ह्या पोस्टशी संबंधित माहिती लिंक खालीलप्रमाणे...
.png')
.webp)
.webp)
-min-min.webp)
%20-%20Copy%20-%20Copy%20-%20Copy%20-%20Copy-min.webp)
0 Comments